Интерактивна мапа

Почетна Зачини го патешествието - Авантури во природа - Забава и возбуда - Здравје и убавина - Истражување на потеклото - Сензационални вкусови Испланирај го патувањето

Патоказ кон минатото

КУЛТУРНИ СПОМЕНИЦИ

Истражување на потеклото

Археолошки Локалитети Цркви и манастири Села Културни споменици

Културни споменици

Културата на Гевгелија ја чуваат нејзините културни храмови како света должност и обврска која им се пренесува на сите следни генерации. Посети ги музеите, театарот, библиотеката, остатоците од старата филатура… Прошетај низ уличките на старата гевгелиска чаршија и влези во уметничката галерија Амам за да го откриеш османлиското минато на градот. Гевгелија е приказна без крај…

Белиот мост кај „Белиот рај“

На само 15 минути од село Миравци, во падините на Кожуф ќе го најдете излетничкото место именувано како „Бел Рај“. Миравци е рамничарско село сместено во северниот дел на Гевгелиско-валандовската котлина. Лоцирано е од десната страна на реката Вардар, на 110 метри надморска височина и на 24 km оддалеченост од Гевгелија.
Со самото пристигнување на локацијата ќе наидете на стар мост за кој се вели дека е изграден за време на отоманското владеење. Мештаните го нарекуваат „Бел Мост“, а во непосредна близина на мостот има изградено ресторан кој го добива името „Бел Рај“. Местото нуди и незаборавна можност за пливање во природни базени создадени од течение на река помеѓу карпи. Па освен што ќе бидете на чист планински воздух ќе имате можност и за капење. ( слика од терен што сликавте вие)

Народен театар

Изграден во Втората светска војна, на почетокот на педесеттите години на 20 век. Низ овој културен храм имаат продефилирано голем број домашни и странски театарски групи со свои претстави, а после пожарот на почетокот на деведесеттите години од минатиот век, повторно е реконструиран и ставен во функција на граѓаните.

Национална установа Музеј

Музејот во Гевгелија е основан во 1980 година, прво работи како Музејска збирка, потоа како Општински музеј, Народен музеј, па сѐ до формирање на Национална установа – Музеј „Гевгелија“ под покровителство на Министерството за култура при Владата на РМ. Во состав на овој музеј се наоѓаат и Амам, како објект со посебно културно историско значење од отоманскиот период, и Музејот на НОБ во селото Старо Коњско.

Библиотеката „Гоце Делчев“

Библиотеката „Гоце Делчев“ е сместена во центарот на градот. Куќата каде што е сместена Библиотеката, со својот лик претставува достоен репрезент на автентичната македонска архитектура. Изградена е во 1912 година, покрај препознатливата архитектура на македонска куќа од 19 век, таа поседува значајна колекција на оригинални дела, меѓу кои е и книгата „Огледало“ на авторот Кирил Пејчиновиќ. Библиотеката започнала со работа во 1945 година со почетен фонд од 500 книги, а денес книжевниот фонд е многу зголемен, над 70.000 книги, со 1.000 томови весници и списанија и околу 400 ретки книги.

Филатура

Филатурата се наоѓала во центарот на градот, а денес од неа останал само еден мал дел со еден од оџаците, кој е ставен под заштита на културни споменици на Република Северна Македонија.
Тука се вршел откуп на свилени кожурци и точење на свилениот кожурец во свилен конец, производ кој се добивал од свилените буби кои се одгледувале во многу населени места во регионот.

Старата чаршија

Уметничка галерија АМАМ

Уметничка галерија АМАМ се наоѓа во центарот на градот Гевгелија. изграден е во почетокот на 19 век. Единствен зачуван објект од отоманската архитектура во Гевгелија, од крајот на 19 век, е градскиот Амам. Објектот е ставен под заштите на државата заклучно со 31 декември 2003 година, врз чија основа е прогласен за Споменик на културата. По фасадирањето, поставувањето на нов покрив при што куполите беа обложени со бакар и уредувањето на внатрешниот дел до 2012 година, Амамот е трансформиран во уметничка галерија, чија основна дејност е фокусирана кон презентација и популаризација на гевгелиската современа ликовна уметност. Со реконструкцијата, зачуван е неговиот доминантен и првичен изглед со две куполи, една мала и друга голема, обложени со бакар, со главна одаја, каде што била сместена и турската бања со огромен централен мермерен постамент и странични седела и со мала приемна одаја.